Урганч шаҳрида Халқ сайли ташкил этилди
Урганч шаҳридаги Олимпия захиралари коллежида Ўзбекистон Республикасининг Конституцияси қабул қилинганлигининг 27 йиллиги ва “Қишлоқ хўжалиги ходимлари куни“ куни муносабати билан Халқ сайли ташкил этилди.
Барча туманлар қишлоқ хўжалигининг энг сара маҳсулотлари билан байрам ярмаркасида иштирок этишди.
Бугунги кунда қишлоқ хўжалиги соҳаси ривожини янги босқичга кўтариш ва уни комплекс модернизация қилиш, соҳага инновацион технологиялар, замонавий илм-фан ютуқларини, кластер тизимини кенг жорий этиш, бозорларимизни озиқ-овқат маҳсулотлари билан кенг таъминланишига хизмат қилмоқда.
Сайл давомида шаҳар ва туманлар ўртасида танлов ва мусобақалар ташкил этилди.
Миллий халқ ўйинлари, фольклор жамоаларининг чиқиши, полвонлар беллашуви, айниқса арқон тортиш мусобақаси барчада катта таассурот қолдирди. Санъаткорлар томонидан намойиш этилган концерт дастури байрам қатнашчиларига завқ бағишлади.
Урганч шаҳрида бошланган Конституциямизнинг 27 йиллиги ва ҳосил байрами барча ҳудудларда юқори кайфиятда давом этади.
Урганч шаҳар ҳокимлиги
Ахборот хизмати.
ЎзА
