Мутолаа – ҳаётий эҳтиёжга айлансин

Мутолаа инсон фикрини чархлайди, дунёқарашини кенгайтиради. Ҳаётда рўй бераётган воқеалар борасида чуқурроқ мулоҳаза юритишга ундайди. Шу боис ҳам ҳар доим унга эҳтиёж сезамиз. Ёшлар эса буни биз — катталардан ўрганишади. Айни мақсадда форум доирасида ташкил этилган китоб ярмаркасида ҳам кичик авлод вакиллари ота-оналари билан ташриф буюришди. Тумандаги “Чағаниён” китоб савдо марказида бўлиб ўтган ярмаркада аҳоли учун янги чоп этилган бадиий, илмий, ижтимоий-сиёсий, тиббиёт ва психологияга оид бир-биридан қизиқ китоблар кўргазмаси намойиш этилди.