Янги йил табриги
Янги йил мўъжизавий тарзда ўтмишни, ҳозирни ва келажакни, ёрқин орзулар, янги мақсадлар ва чексиз бахт-қувончни ҳамда эртанги ёруғ кунга интилишни бир-бирига боғлайдиган айёмдир. Ушбу ёрқин байрам ҳар доим ҳаётбахш умидлар, янги ташаббуслар рамзи бўлган ва шундай бўлиб қолади. Ушбу ҳаяжонли дақиқаларда Сиз азиз фермер-у, деҳқон томорқачилар қисқаси халқ ризқини яратувчиларига самимий ҳурмат-эҳтиромимизни изҳор этамиз.
Янги йил байрами билан самимий табриклашдан, Сизга мустаҳкам соғлиқ тилашдан мамнунман.
Янги йил оилангизга яхшилик ва фаровонлик, бахт ва қувонч келтирсин! Хонадонингизда доимо тинчлик ва осойишталик ҳукм сурсин, кўзлаган мақсадларингиз доимо эришиш бахти насиб этсин!
Янги йил, янги бахт муборак бўлсин!
