O’zLiDeP фракцияси раҳбари байрам билан табриклади
Тадбиркорлар ва ишбилармонлар ҳаракати – Ўзбекистон Либерал-демократик партияси ва партиянинг парламентдаги фракцияси оила ва жамият устуни, ҳаётимизнинг файзи ва кўрки бўлган мунис опа-сингилларимизни 8 март – Халқаро хотин-қизлар куни муносабати билан табриклайди.
Бу қутлуғ айёмда сизларга энг самимий, эзгу тилакларимизни изҳор этишдан бениҳоя мамнунмиз.
Мамлакатимизда хотин-қизларнинг жамиятда тутган ўрни ва мавқеини мустаҳкамлаш, гендер тенгликни таъминлаш, оила, оналик ва болаликни ҳимоя қилиш, аёллар ўртасида тадбиркорликни ривожлантириш, улар учун янги иш ўринлари яратиш, меҳнат ва турмуш шароитларини яхшилаш борасидаги борасидаги улкан хизматлари давлатимиз томонидан муносиб қадрланмоқда.
Юртимизда миллий парламентимиз ва маҳаллий Кенгашларда фаолият олиб бораётган хотин-қизларимиз томонидан амалга оширилаётган кенг кўламли ислоҳотлар натижасида аёлларимизнинг сиёсий-ижтимоий жараёнлардаги иштироки тобора кучайиб бормоқда.
Албатта, улар орасида Ўзбекистон Либерал-демократик партиясининг фаол, ишбилармон, тадбиркор, фермер ва депутат аёлларининг борлиги бизга юксак фахр-ифтихор туйғуларини бахш этади.
Шу боис, оиламиз бахти, ҳаётимиз қувончи, хонадонларимиз кўрки бўлмиш азиз аёлларимиз шаънига энг гўзал тилакларимизни изҳор этамиз.
Ушбу қутлуғ кунда барча аёлларимизга, хусусан, O‘zLiDeP тизимида фаолият юритиб келаётган хотин-қизларимизга оилавий хотиржамлик, хонадонларига тинчлик, файзу барака, касб-корларида улкан зафарлар тилаймиз.
Актам ҲАИТОВ, O’zLiDeP Сиёсий Кенгаши Ижроия қўмитаси раиси,
Олий Мажлис Қонунчилик палатаси Спикери ўринбосари,
O’zLiDeP фракцияси раҳбари
