Ўзбекистон фермерлари кенгаши
“Ўзбекистон Республикасининг Ер ва Солиқ Кодекслари, 'Фермер хўжалиги тўғрисида'ги, 'Деҳқон хўжалиги тўғрисида'ги, 'Тадбиркорлик фаолияти эркинлиги кафолатлари тўғрисида'ги Қонунлари ва бошқа бир қатор меъёрий-ҳуқуқий ҳужжатларнинг асосида фермер ва деҳқон хўжаликларини қонуний манфаатларини ҳимоя қилиш бўйича зарур чора-тадбирларни амалга ошириш.”
Фермер, деҳқон хўжаликлари ва томорқа ер эгалари кенгашлари қишлоқ хўжалигида шартнома мажбуриятларининг бажарилиши юзасидан мониторинг ҳамда жамоат назоратини амалга оширади. Уларнинг фаолиятини янада ривожлантириш, ҳуқуқлари ва қонуний манфаатларини ҳимоя қилишнинг самарали тизимини яратиш ҳамда норматив-ҳуқуқий базани такомиллаштириш устувор вазифадир.
Ҳаракатлар Стратегияси
Ўзбекистон Республикасини янада ривожлантириш бўйича Ҳаракатлар стратегиясининг 3.3 – банди: Қишлоқ хўжалигини модернизация қилиш ва жадал ривожлантириш.
Таркибий ўзгартиришларни чуқурлаштириш ва қишлоқ хўжалиги ишлаб чиқаришини изчил ривожлантириш, мамлакат озиқ-овқат хавфсизлигини янада мустаҳкамлаш, экологик тоза маҳсулотлар ишлаб чиқаришни кенгайтириш, аграр секторнинг экспорт салоҳиятини сезиларли даражада ошириш.
Пахта ва бошоқли дон экиладиган майдонларни қисқартириш, бўшаган ерларга картошка, сабзавот, озуқа ва ёғ олинадиган экинларни экиш, шунингдек, янги интенсив боғ ва узумзорларни жойлаштириш ҳисобига экин майдонларини янада оптималлаштириш.
Фермер хўжаликлари, энг аввало, қишлоқ хўжалиги маҳсулотларини ишлаб чиқариш билан бир қаторда, қайта ишлаш, тайёрлаш, сақлаш, сотиш, қурилиш ишлари ва хизматлар кўрсатиш билан шуғулланаётган кўп тармоқли фермер хўжаликларини рағбатлантириш ва ривожлантириш учун қулай шарт-шароитлар яратиш.
Қишлоқ хўжалиги маҳсулотларини чуқур қайта ишлаш, ярим тайёр ва тайёр озиқ-овқат ҳамда қадоқлаш маҳсулотларини ишлаб чиқариш бўйича энг замонавий юқори технологик асбоб-ускуналар билан жиҳозланган янги қайта ишлаш корхоналарини қуриш, мавжудларини реконструкция ва модернизация қилиш бўйича инвестиция лойиҳаларини амалга ошириш.
Қишлоқ хўжалиги маҳсулотларини сақлаш, ташиш ва сотиш, агрокимё, молиявий ва бошқа замонавий бозор хизматлари кўрсатиш инфратузилмасини янада кенгайтириш.
Инновациялар ва Инвестициялар
Инновацияларни жорий этиш
Фермер, деҳқон хўжаликлари ва томорқа ер эгаларига замонавий ресурс тежовчи илғор агротехнологияларни, муқобил энергия воситаларини, шунингдек инновация ва ахборот-коммуникация технологияларини кенг жорий этишга кўмаклашиш.
Экспортга кўмаклашиш
Соҳада қишлоқ хўжалиги маҳсулотларини етиштириш, қайта ишлаш ва сақлаш ишларида талаб этиладиган инвестицияларни жалб этиш, экспортбоп экинлар етиштириш ва маркетинг тадқиқотлари олиб бориш.
Деҳқон хўжаликлари ва Томорқа
Деҳқон хўжаликлари ва томорқа ер участкаларидан самарали фойдаланишни ташкил этиш бўйича амалга оширилган ислоҳотлар натижасида қишлоқ хўжалиги маҳсулотлари ишлаб чиқариш ҳажмлари сезиларли даражада ошириш.
«Томорқа хизмати» МЧЖлар орқали аҳоли томорқаларини ҳар томонлама ўрганиб, сув таъминоти оғир ҳудудларда артезиан қудуқларни бурғулаш ишларини ташкил этиш, ушбу томорқалардаги боғларни ва бошқа қишлоқ хўжалиги экинларини суғоришни замоновий ресурс тежовчи илғор технологиялар асосида ташкил этиш.
Кўп тармоқли фермер хўжаликлари
Кўп тармоқли фермер хўжаликларини ривожлантириш давлат дастурига мувофиқ уларда чорвачилик, паррандачилик, балиқчилик, асаларичилик ва бошқа соҳаларга ихтисослашган фермер хўжаликларини кўпайтириш.
Фермер хўжаликларини кўп тармоқли фермер хўжаликлари реестрига киритиш Ўзбекистон фермер, деҳқон хўжаликлари ва томорқа ер эгалари кенгаши томонидан бепул амалга оширилади.